DHIBEE SAAYINASII (sinusitis)

 DHIBEE SAAYINASII (sinusitis)


===================================
•Dhibeen Saayinasii(sinusitis) iddoon banaan lafee keessatti argamu kan qilleensaan guutamee   naannawa funyaaniitti argamuu kan saayinasii jedhamu (sinuses) yeroo kulkulfatu(inflammation) dhibee nama dhufuudha.

- Fuularra naannawa funyaaniitti(addaa/ forehead ,ija ,lafee funyaanii fi mallaa) iddooleen banaan kun (sinuses) afur ni argamu.
Isaaniis kana keessa qilleensa fi dhangala'aan rifeensa xixiqqaan gargaaramuun bilisaan keessa yaa'uun boodarra karaa funyaanii baha .yeroo fayyaatti dhangala'aan kun achi keessaatti hin kuufamu jechuudha.
Sababa garagaraatiin qaawni kun yeroo cufamu fi sochiin rifeensa xixiqqaa (cilia) yeroo gufatu dhangalaan kun achi keeysatti kuufamuudhaan baakteeriyaa fi jarmiilee birootiif haala mijeessuun mallattooleen dhukkubichaa mul'achuuf nama saaxila.
- dhukkubni kun yeroo hedduu ofumaan kan fayyu yoo tahu dhukkuubbii naannawa funyaanii fi ijaatti kan nama dhagayamsiisuudha.
NB:Garuu rakkoo hamaa akka infekshinii sammuu(eg.meningitis),infekshinii  naannawa ijaa(periorbital cellulitis) fi lafee fuulaatiif(Osteomyelitis) nama saaxiluu dandaha.keeysaahuu irra deddeebiin yoo nama qunname

Sababoota
- Utaalloo/diifafa(common cold)
- Alarjikii(rhinitis)
- Faalama qilleensaa
- Dhiita'uu keessoo funyaanii fa'a(nasal polyp, nasal adenoids)

▪︎Gosoota isaa
1. kan yeroo gabaabaa (acute sinusitis)   -mallattoon saayinasii torbee 2  hanga 4 kan turu.

2. kan yeroo giddugaleessaa (sub-acute sinusitis)
-mallattoon saayinasii torbee 4 hanga 12 kan turu.

3. kan yeroo dheeraaa (chronic sinusitis) -mallattoon saayinasii torbee  12 ol kan turu yoo tahu inni kun yoo yaala argachuu baate nama faana turuun kan itti fufuudha.

▪︎Mallattolee
- Fuula fi naannawni isaa nama dhukkubuu fi akka ulfaachuu
- Funyaan nama cuccufuu
- Dhangala'aa  funyaan keessaa yaa'uu
- Foolii arguu dadhabuu
- Qufa'aa,gubaa qaamaa(fever), dhukkubbii mataa,dadhabbii fi dhukkubbii ilkaanii fa'a.

▪︎Yaalii isaa
- boqonnaa fudhachuu
-funyaan keenya bishaan bohaawa qabuun lollahuu(Nasal irrigation)
-dhangala'aa bayyee dhuguu
-Qoricha manaa yaalaatii kennamu seeraan fudhachuu
-baqaysanii yaaluu( yoo barbaachise)

▪︎Akkamitti of eegganna
-Alarjikii(allergy) yoo qaabaanne yaala isaa seeran fudhachuu fi waan isa nutti kaasurraa of eeguu
- nyaata kuduraa fi fuduraa nyaachuu
- dhibeen qaamota hargansuu akka hin uumamneef eegumsa gochuu(fkn talaallii fudhachuu)
- Tamboo xuuxuu dhabuu
-Dhiphina(stress) hirrisuu
- Qulqullina naannoo keenyaa eeguu fa'a .

☆Mallattoo akkasii ofirratti arkinaan Dooktora isinitti dhiyaatu dubbisaa.

FAYYAA TAHAA
 
Abdiidhaan Jiraadhu!!🥇

Comments

Post a Comment

Popular posts from this blog

FAYYAA SAMMUU FI BUNA DHUGUU.

Image
 FAYYAA SAMMUU FI BUNA DHUGUU **** Buna dhuguun biyya keenya keessatti dhugaatii isaa irra darbee faayidaalee hawaasummaa hedduuf akka oolu beekamaa dha. Qorannoo baayyeen biyyoota guddataniin as ba’aa ture yeroo baayyeef miidhaa isaa irratti kan xiyyeeffate ture. Yeroo ammaa kana faayidaalee bunni fayyaa namaatiif keessattuu fayyaa sammuutiif godhu qorannoo hedduun as ba’aa jiru. Mee isaan keessaa muraasa haa ilaallu: **** FAAYIDAA 1. Dammaqina (alertness) namaaf kennuu isaatiin kan beekamu bunni barattootaa fi namoota hojii halkanii hojjetaniin baayyinaan dhugama. Kanas kan godhu bunni kemikaala Sammuu keessatti argamu adinoosaayinii (adenosine) jedhamu kan nama dadhabsiisuu fi hirriba namatti fidu hir’isuuniidha. Bunni gaafa dhugamu qofa utuu hin ta’in foolii isaatiin illee faayidaa dammaqina namaa kennuu akka qabu himamaa. Kanaaf natti fakkaata namootni tokko tokko gaaf bunni akaawamuu aara isaa fuunfatan kaan immoo borsaa ykn kisii isaaniitti baatanii deemaniif. 2. Kuusaa yaad...
Read more

Yeroo_Walqunnamtii_Saalaa (Dubartiidhaf):

Image
 Yeroo_Walqunnamtii_Saalaa (Dubartiidhaf): ================================= Yeroo walqunnamtiin saalaa raawwatamu dhiirri fedhii hin baane hin jiru. Dhiirri tokko qaamni saalaa isaa erga dhaabbateen booda dhangalaase jennaan fedhii ba'eera jechuudha. Dubartiin tokko jaalalleen/dhirsi ishii akka sirritti ishii jaalatu, ishii mi'eeffatee yeruma hunda akka ishiin barbaaddu akka inni ta'uuf yoo barbaadde yeroo walqunnamtii saalaa raawwatamu isa gammachiisuu dandeessi. Maal gootee gammachiifti? 1. Waa'ee Walqunnamtii saalaa itti odeessuu : Yeroo dubartiin waa'ee Walqunnamtii saalaa itti haasoftu fedhiin dhiiraa ni dabala. Qaamni saalaa isaa bakka #rafee_jiruu_dammaqa. Kanaaf dubartiin tokko callisteetuma uffata ofirraa guurtee kennuufiin dura oduun murteessadha 2. Akka garaa isaa ta'uu : Walqunnamtii saalaa amma ta'etti, erga barbaaddee dhaqxe akka inni si godhe ta'uufi qabda. Yeroo raawwatamu akka inni ibsaa ibsu eeyyamiifi. Qaama kee, harma kee, boroo(tees...
Read more

Dhiira moo dhalaatu irra caalatti nama biraa irratti laallata?"

Image
 "Dhiira moo dhalaatu irra caalatti nama biraa irratti laallata?" ******** **** Akka qorannoon garagaraa jedhutti jaalala keessa osoo jiran (osoo wal hin fuudhin) wal irratti deemuun (cheat gochuun) duraan dhiira irratti baay'atus amma garuu ta'umsi isaa walitti dhiyaachaa jiraachuu agarsiisa. Qorannoon kun inumaa dubartoonni umriin isaanii waggaa 18 - 29 ta'an dhiirota caalaa 'cheat' godhu jedha; Akkuma umriin dabalaa deemuun garuu, carraan dubartoonni 'cheat' gochuu isaanii hir'achaa hoggaa deemu; Kan dhiiraa immoo, dabalaa deema jedha. Bultii erga jaaran booda garuu harki caalu jaarsatu jaartii irratti "cheat" godha. Rakkoon kun sababa garagaraatiif kan mudatu hoggaa ta'u, sababni isaa waan fedhes haa ta'uu, mudate jechuun xumura hariiroo keessaniiti jechuu miti. Wanta mudate hundaa iftoominaan waliin mari'achuudhaan rakkoo wanta kanaaf sababa ta'e waliin ta'anii furmaata barbaaduun jaalalti teessan tan duraa ca...
Read more